Pinoy OFW sa Dubai, Nakatanggap ng Bagong Sasakyan Mula sa Isang Sikat na Vlogger!

Minsan sa buhay, may darating na swerte at magandang mangyayari sa atin ng hindi natin inaasahan. Kadalasan ay nakakagulat na lamang kung iisipin na ang imposibleng bagay ay maaari palang maging posible. Hindi natin maiiwasan na maluha na lamang sa saya dahil sa biyayang dumarating sa atin. Minsan pa, kung ano ang hinihiling mo ay mas higit pa roon ang ibinibigay ng Maykapal.

Gaya na lamang ang nangyari sa isang Overseas Filipino Workers na si Jeric na namamasukan sa bansang Dubai. Si Jeric ay isang assistant ni Abir. Malapit na si Jeric kay Abir at talagang mapagkakatiwalaan niya ito.

Kaya naman, sinali ni Abir ang pangalan ni Jeric sa isa sa mga maaaring makatanggap ng bagong sasakyan na ipamamahagi ng isang sikat na australian vlogger na si Alexandra Mary Hirschi o kilala bilang isang Supercarblondie.

Nang mapili si Jeric sa isa sa tatlong makakatanggap ng bagong sasakyan ay sinurpresa ni Alexandra kasama si Abir at ilang staffs si Jeric.

Laking gulat at tuwa ni Jeric nang makita niya ang regalong bagong sasakyan sa kanya. Agad naman niyang sinakyan at tiningnan ang loob ng sasakyan dahil sa sobrang excitement.

 

Hindi na rin niya napigilan ang sarili niya na maluha. Agad niyang tinawagan ang kanyang ina na nasa Pilipinas at ipinamalita ang magandang nangyari sa kanya.