Isang Magsasaka Noon, Big Time na Ngayon!




Ayon sa kasabihan, daig ng masipag ang matalino. Ito ay kadalasang mapapansin ntin sa buhay ng tao. May mga taong nakapagtapos ng pag-aaral, maganda ang trabaho ngunit hindi ganoon kalaki ang sahod. Mayroon din namang hindi nakapag-aral, ngunit madiskarte sa buhay at malaki ang kinikita. Kaya naman, marami ang na-inspire sa isang magsasaka ng pakwan noon, big time na ngayon.




Siya ay si Aling Helen na umasenso dahil sa pagsasaka ng pakwan. Ayon sa kanya, napakahiråp umano ng kanilang buhay noon at nangutang lamang siya ng pangpuhunan sa kanilang negosyo. Kaya naman, sa tuwing nakakabenta sila ay pinagbibili agad nila ito ng bigas at bagoong. Naranasan din niyang mapalayas sa inuupahang bahay dahil hindi sila nakakabayad ng renta.

"Galing ako sa pamilya ng magsasaka. 'Yung napangasawa ko, magsasaka rin. Nangungutang ako para may maibentang pakwan. Kapag nakabenta kami, makakabili kami ng bigas at bagoong. ‘Yun lang ang pinapakain ko sa mga anak ko. Madalas din kaming mapalayas sa inuupahan namin kasi wala kaming pambayad.", ani Aling Helen.





Naranasan din niyang malugi at mawalan ng puhunan kaya naman nangutang ulit siya para magsimula ulit. Bumili siya ng binhi at pataba at nagsimula na siyang magtanim noon. Hanggang sa hindi na niya namamalayan na unti-unti nang lumalago ang kanilang negosyo.

"Nangutang ako ng P50,000 para bumili ng Indian mango at pakwan na ibabagsak sa Maynila. Pero tinatapon na lang 'yung Indian mango kasi nabulok na. Umuwi kami ulit ng Aklan. Umutang ako ulit ng P300,000 sa mga kaibigan ko. Pinambili ko 'yun ng binhi at pataba. Doon sa unang-unang tanim namin, kumita kami ng 1.2 million pesos. Pero binagyo lahat ng tanim namin. Nawasåk pa 'yung bahay namin. Ubos lahat talaga. Pero tinuloy pa rin namin 'yung negosyo sa pakwan. Hanggang sa namalayan na lang namin na kami na ‘yung pinakamalaking supplier ng pakwan sa Aklan!", pahayag ni aling Helen."






"Yung inuupahan namin dating lupa, nabili namin ngayon. May mga sasakyan na rin kami. At nakapagpatayo na kami ng sarili naming bahay.", aniya.

"Hindi porket magsasaka tayo, dito na lang tayo sa lupa. Kailangan isipin natin na aasenso tayo!", pagtatapos ni Aling Helen.

No comments