Vice Ganda at Ion Perez, Ikinasal Na!

"What Really Happened In Las Vegas"- Ito ang pamagat sa latest vlog ni Vice Ganda sa kanyang Youtube Channel. "It's a beautiful day! This is it," panimula ni Vice Ganda sa kanyang vlog. Dito ay ibinahagi niya kung ano ang nangyari sa Las Vegas. Inanunsyo na rin ni Vice Ganda at Ion Perez na sila ay ikinasal noong nakaraang taon pa.

Isinapubliko na nila ang kanilang pag-iisang dibdib. Magkasabay silang nagtungo sa Little Vegas Chapel kung saan sila ikinasal. Parehong nakasuot na damit ang mag-partner.

Matatandaan na matagal na rin silang nagsasama sa iisang bubong sa bahay ni Vice Ganda. Kapwa rin silang magkatrabaho sa noontime show na "Its Showtime". Sa naturang TV show din sila unang nagkakilala at doon na rin nadevelop ang kanilang pagtitïnginan sa isa't-isa.

Sa wakas, nagkaisang dibdib na sina Vice ganda at Ion. Nangako sila sa isa't isa na magmamahalan sila habang buhay. Nagpalitan sila ng kanilang vows habang magkahawak ang kanilang mga kamay.

Sa simpleng seremonya ay naipakita nila sa isa't isa ang kanilang pagmamahalan. Nagpalitan rin sila ng singsing na simbolo ng kanilang pag-iisang dibdib.

Noong Oktubre 19, 2021 pa umano sila ikinasal at ngayon lamang nila ibinahagi sa publiko. Marami naman ang nag-congratulate sa dalawang bagong kasal. "Love wins" ika nga nila. Congratulations Vice Ganda at Ion Perez!

Narito ang kabuuang video na ibinahagi ni Vice Ganda: