Sen. Grace Poe, Sinabi na ang Sanhi ng Pagpanåw ni Susan Roces

Marami ang nalungkot at nagulåt sa pagpånaw ng beteranang aktres na si Susan Roces. Siya ay tinagurian "Queen of Philippine Movies" dahil sa mahigit 130 niyang pelikula. Malungkot na ibinahagi ni Sen. Grace Poe na pumånaw na ang kanyang ina nitong Mayo 20, 2022. Naging palaisipan sa mga tao ang naging sanhi ng pagpanåw ng aktres.

Naglabas na ng statement si Sen. Grace Poe sa naging dahilan ng pagpånaw ng aktres. Ayon kay Grace, cardio pulmonary arrest ang naging sanhi ng pagpånaw ni Susan.

"Ang aking nanay ay nasa edad na rin. 80 years old na siya. Ang kanyang kinam@tay ay, ito yung sinabi ng doktor, cardio pulmonary arrest. Ibig sabihin, bumigay po ang kanyang puso," ani ni Grace.

Mayo 17 nang isugod sa ospital si Susan dahil hindi na umano kumakain. Sa mga huling sandali ng aktres ay nakapiling niya ang kanyang pamilya.

"May dahilan 'yan dahil marami na ring mga naging komplikasyon sa kanya. Pero hindi kasi siya nagdadaing masyado. Kung kilala ko 'yung aking nanay, itinatago niyang mabuti kung anuman 'yung nararamdaman niya. Ayaw niyang maging pabigat sa iba," pagbabahagi ni Grace.