Herlene Nicole Budol, 1st Runner-Up at Humakot ng Pitong Special Awards sa Bb. Pilipinas 2022!

Pito ang natanggap na Special Awards ni Bb. Pilipinas Candidate no. 8 Herlene Nicole Budol mula Angono, Rizal. Nauna niyang natanggap ang Manila Bulletin Reader's Choice at sumunod na ang anim niya pang natanggap na awards: Binibini Shein, Binibinng Pizza Hut, Binibini Kumu, JAG Queen, Binibini Silka at Miss World Balance.

Marami ang sumuporta kay Herlene mula sa kanyang pagsali hanggang sa coronation night. Si Herlene ay kinorohan bilang 1st runner-up ng Binibining Pilipinas 2022.

"Gabi ni Nicole Budol talaga. Sealed na talaga isang crown, despite of a bit buckling sa q and a na nadeliver niya rin naman ng mahusay," ani ng kanyang isang taga-suporta sa naging kasagutan ni Herlene sa Q and A portion.

"Hakot award @herlene_budol Go girl! Medyo teary eyes ako sa Q&A mo," komento pa ng isa.

"Bagay kay Herlene Budol Miss Grand International Crown. Ibigay niyo kay Herlene Budol! Sobrang bagay siya dun. #BinibiningPilipinas2022."

Ngayong gabi, July 31, 2022 naktakdang ganapin ang pinakainaabangang coronation night ng Binibining Pilipinas. Hindi pa man natatapos ang pageant, bumuhos na ang suporta kay Herlene lalo at kilala siyang malapit sa masa dahil na rin sa pagkabilang niya sa programa ni Willie Revillame.

Si Herlene "Hipon" Budol ay unang nakilala sa kanyang bansag na Hipon Girl sa programa ni Willie Revillame na Wowowin. Minahal siya ng kanyang mga tagahanga at tagasubaybay dahil sa pagiging prangka nito kahit pa sa harap ng kamera.