Pambansang Kolokoy, Sinabi na Hindi Matutumbasan ng Maraming Pera ang Kaligayahan sa Mundo

Matapos aminin ni Joel Mondina o mas kilala bilang "Pambansang Kolokoy" ang hiwalayan nila ng kaniyang asawa na si Marites ay samu't saring komento ang naglabasan patungkol sa kanya.

Ayon umano sa isang post ni Pambansang Kolokoy, patuloy parin siyang gagawa ng mga videos kahit walang manood dahil nagsimula naman daw ito sa wala at hindi umano matutumbasan ng pera o kasikatan ang kaligayahan.

Dagdag pa nito na bukal umano sa loob na tanggapin lahat ng sasabihin tungkol sa kanya at mas nanaisin pa niya na siya ang lumabas ba maging masama kaysa sa kanyang pamilya.

Nagbigay pa umano ng payo si Pambansang Kolokoy na tratuhin ng tama ang mga asawa at ang kanilang mga kasintahan dahil ayon umano sa kanya ay kahit sino ay hahanap ng tunay na ikaliligaya nito.

Narito ang kabuuang post ni Pambansang Kolokoy:

"Pa tuloy pa rin akong gagawa ng mga videos, may manonood man o wala, dahil nag umpisa naman ako sa walang nanonood eh. Pera? Hindi matutumbasan ng gaano mang ka daming pera ang tunay na kaligayahan sa mundo o kasikatan. Bukal din sa loob ko ang tanggapin ang lahat ng paratang niyo sa akin dahil mas nanaisin ko pang ako na ang lumabas na pinakamasama kaysa sa pamilya ko. Tratohin niyo na lang ng tama ang mga asawa, nobya, nobyo niyo dahil ang kahit sino pang pinaka mabait na tao sa balat ng lupa ay mapipilitang hahanap talaga ng tunay na ikaliligaya niya."