2 Lalaki sa Bataan, Nasawi matapos maabutan ng ulan at Tamaan ng Kidlat

Dalawang lalaki ang nasawi matapos tamaan ng kidlat habang sumisilong sa malapit sa puno ng niyog sa Samal, Bataan.

Nakilala ang dalawang magpinsan na sina Elvin Sacris, 26-anyos at Kevin Sacris, 22-anyos.

Ayon sa ulat ay naka -puwesto raw ang magpinsan sa bukid nang biglang bumuhos ang malakas na ulan na may kasamang kulog at kidlat.

Sumilong daw ang dalawa malapit sa isang puno ng niyog, una raw tinamaan ang puno ng niyog ngunit hindi inaasahan ay tumama rin ang bagsik ng kidlat sa magpinsan.

Sinubukan pang dalhin sa ospital ang dalawa pero agad din silang binawian ng buhay. Kapwa pamilyado rin ang magpinsang Sacris.

Tinamaan rin ng kidlat ang kanilang tiyuhin pero himalang nabuhay ito.